Farm Murders


Vyf swartes verkrag vrou voor haar seuntjie
June 18, 2010, 5:10 pm
Filed under: Uncategorized


Donderdag, 17 Junie 2010
Praag

‘n Blanke vrou van Port Elizabeth is deur vyf swart gewapende rowers in haar huis verkrag terwyl haar vierjarige seuntjie moes toekyk. Volgens ‘n plaaslike koerant in die Baai is dit “die eerste gewelddadige huisaanval waar verkragting betrokke is” sedert die aanvang van die wêreldsokkerbekertoernooi.

‘n Woordvoerder vir die polisie, adjudant-offisier Precious Timla, het gesê dat die rowers omstreeks 3-uur vm. deur ‘n venster van die kothuis in ‘n tuin toegang verkry het.

Die vrou van Pekingstraat, Morningside is deur die geluid van stemme in die kothuis wakker gemaak. “Die volgende oomblik het die (swart) mans haar op die bed vasgedruk,” het Timla gesê. “Hulle het ‘n pistool teen haar kop gehou en haar bankkaarte en pinnommer geëis voordat hulle beurte geneem het om haar te verkrag terwyl haar seun dit in die vertrek moes aanskou.”

Blykbaar is ‘n mes ook teen die vierjarige seuntjie se keel gehou om sy ma te dwing om saam te werk.

Die geweldenaars het gedreig om haar seun as gyselaar aan te hou terwyl hulle bank toe gaan om die geld te trek, maar die vrou kon hulle oorreed om hom agter te laat.

“Ons is nie seker wat tussen haar en die rowers gebeur het nie, maar hulle het uiteindelik die kind agtergelaat,” het Timla gesê.

Hoewel daar geen tekens van ‘n inbraak is nie, het ‘n polisiebron gesê dat die vensters oud is en nie behoorlik toemaak nie, dus kon die rowers maklik deur een van hulle ingekom het.

Sommige aanvallers het weer deur die venster uitgeklim terwyl ander deur die agterdeur vertrek het. Die vensterskarniere is los en het geklap toe die rowers uitgeklim het, wat die huiseienaar op dieselfde perseel wakker gemaak het.

Hy het opgestaan om ondersoek in te stel en het die vlugtende swartes skrams gesien. “By die kothuis gekom, het hy die vrou huilende op die bed gevind,” het die bron gesê.

Die polisie is onmiddellik ontbied.

Volgens Timla is “drie van die mans met pistole gewapen, terwyl ‘n vierde blykbaar ‘n speelgoedpistool by hom het”.
Die erg geskokte vrou is na die hospitaal geneem en later ontslaan. “Die vrou is hoogs emosioneel en erg getroumatiseer,” het die polisieman gesê. “Haar seuntjie is ook baie ontsteld oor die voorval.”

Oorsprong:Praag

Advertisements


Roodt genomineer as VVK-kandidaat
June 18, 2010, 12:15 pm
Filed under: Uncategorized




Dinsdag, 15 Junie 2010
Wilco Labuschagne

Vir dié wat nog nie weet nie, dr Dan Roodt is genomineer as kandidaat vir aanstaande jaar se volksverkiesing.

Soos almal reeds weet, word daar in Mei 2011 so ‘n volksverkiesing gehou. Die verkiesing word geadministreer deur die VVK (Volksraadverkiesingskommissie by www.vvk.co.za). Binnelands en buitelands is daar ‘n groot aantal registrasiebeamptes besig om kiesers te registreer.

Daar is ook begin met die nominasie van kandidate vir die sewe volksraadslede. Volgens die VVK-inligtingsdokumente kan ‘n kandidaat slegs deur ‘n geregistreerde kieser genomineer word. Elke nominasie moet een honderd sekondante hê en elke sekondant moet ‘n geregistreerde kieser wees. ‘n Sekondant mag slegs een kandidaat sekondeer en mag daarna nie weer ‘n ander kandidaat sekondeer nie. Belangstellendes kan ‘n kandidaat sekondeer deur die vorm persoonlik in te vul, of elektronies sekondeer deur die invul van ‘n spesiale vorm.

As mens jou denke fokus op wat in die VOLK se beste belang is, is daar sekerlik nie ‘n meer geskikte kandidaat as dr Roodt nie. Dit is krities noodsaaklik dat bekwame persone as volksraadslede verkies word. Hierdie verkiesing is dalk ons enigste kans om onsself weer op die voete te kry – mens sidder by die gedagte dat ook hierdie poging mag misluk.

Verskillende persone het verskillende menings oor presies wat “bekwaamheid” behels. Kyk mens na die mandaat van die volksraad wat verkies gaan word, moet die eis om selfbeskikking eerstens aan die Suid-Afrikaanse regering gerig word. Indien dit misluk, moet dit aan die internasionale gemeenskap gerig word. Sou dit ook misluk, moet die situasie aan die volk voorgelê word. Dit beteken hierdie volksraad sal met hooggeplaastes in plaaslike en oorsese regerings asook leiers van groot sakeondernemings in gesprek moet tree. Hulle sal ons saak moet kan stel en vrae moet kan beantwoord. Hulle sal goed ingelig moet wees oor regsargumente, ekonomiese kwessies en geopolitieke gebeure. Hierdie persone sal ook oor die nodige interpersoonlike vaardighede moet beskik. Internasionale kontakte met goedgesinde meningsvormers en vryheidsinstitute kan ook help.

Ek het al verskeie voorstelle gehoor van persone wat as bekwaam beskou word. Die meeste van hierdie persone is nog nie as kandidate genomineer nie. Dit laat my wonder waarom nie. Hulle kan tog nie hulleself nomineer nie. My gevolgtrekking is dat hulle nog nie genader is nie. Hoe moeilik kan dit wees om so ‘n persoon te bel, te faks, te kontak op Facebook? Miskien ken mense nie so ‘n bekwame individu persoonlik nie en huiwer om hom of haar te kontak. Maar iemand moet tog die ys breek. Ek verstaan daar is ‘n afsluitingsdatum vir nominasies en die verkryging van sekondante.

Daar is werk om te doen. Ek en jy moet die werk doen; ons kan nie wag tot iemand anders dit doen nie. Kandidate moet genomineer word, sekondante moet gevind word, kiesers moet geregistreer word. Ek weet van geen ander plan of poging, behalwe hierdie volksverkiesing, wat vir ons selfbeskikking gaan bring nie.

Ek is oortuig dr Roodt sal tot die volksraad verkies word. Hy is een van die min persone wat oor ‘n duidelike visie vir ‘n volkstaat beskik. Ook verstaan hy hoe so ‘n volkstaat in die praktyk moet funksioneer. Ek is oortuig dat Praag-lesers gaan toustaan om hom te sekondeer.

Veels geluk, dr Roodt!

Ns. Enigeen wat belangstel om as een van die honderd sekondante op te tree, word genooi om my te kontak by wlabuschagne[aapstert]take5.co.za

Oorsprong:Praag



Bylmoordenaar kry 2 keer lewenslank
June 18, 2010, 12:06 pm
Filed under: Uncategorized


Mnr. Danie Pienaar, sy dogter, Charmaine, en seun, Frikkie, gister verlig en tevrede buite die rondgaande hof in Vereeniging nadat die moordenaar van mev. Heila Pienaar, hul vrou en ma, lewenslange tronkstraf opgelê is. Foto: Sonja van Buul

2010-06-14 22:14
Sonja van Buul

’n Jong vrou het gister hier toegekyk terwyl die man wat haar met ’n oopgekapte skedel langs haar ma se lyk gelaat het nadat hy dié ook met ’n byl aangeval het, twee keer lewenslange tronkstraf opgelê word.

Regter David Spilg het Victor Nyezineu (25) vroeër in die rondgaande hof in Vereeniging skuldig bevind aan die moord op mev. Heila Pienaar (42) en poging tot moord op haar dogter, Charmaine (20).

Hy is ook tien jaar tronk toe gestuur weens die roof van R2 000.

Nyezineu het mnr. Danie Pienaar (43) se skrootonderneming in Waldrift op 1 Oktober 2008 met ’n byl binnegestap om te roof en te moor, het die regter bevind.

Charmaine het sowat ses uur lank met ’n oopgekapte skedel langs haar ma se lyk gelê.

Nyezineu, ’n onwettige immigrant van Zimbabwe, is 12 dae later in hegtenis geneem.

Die hof het gehoor hy het as jong seun vee opgepas, maar in 2002 na Suid-Afrika gekom op soek na ’n beter lewe.

Hy was glo in geldnood toe hy verlede jaar ná sy broer se dood na sy tuisland wou gaan om sy ma by te staan.

Adv. Kgomotso Tloane, vir die verdediging, het ter strafversagting aangevoer Nyezineu se wandade sal nie net sy ma verpletter nie, maar kan selfs tot haar dood lei.

Volgens Spilg het Nyezineu vooraf beplan om Charmaine en haar ma te vermoor om te keer dat daar enige getuies van die rooftog is.

Nyezineu het kort-kort sy kop geskud terwyl Spilg hom gevonnis het.

Mnr. Pienaar, sy seun, Frikkie, en Charmaine het gespanne na die vonnisoplegging geluister, maar was sigbaar verlig toe hulle besef Nyezineu gaan baie jare agter tralies deurbring.

“Ons is baie tevrede met die vonnis,” het Pienaar sr. buite die hofgebou aan Beeld gesê.

Oorsprong:Beeld



Man gunned down at braai, two others hurt
June 18, 2010, 11:55 am
Filed under: Uncategorized

June 14 2010 at 09:33AM
By Graeme Hosken
Crime Reporter

A Pretoria man was killed and two friends were seriously injured when a gang of armed robbers attacked them while they were enjoying a braai on a smallholding east of the city.

Gerhard van Jaarsveld was visiting friends Elrene Jones and her boyfriend Rudolph Terblanche at their home in Libertas Street, Equestria, on Friday night when they were attacked.

The gunmen gained access to the property by cutting a hole in a perimeter fence. They overpowered the three and dragged them into the house where they opened fire as the terrified friends begged and fought for their lives.

Van Jaarsveld was shot in the head and died. Terblanche was shot in the neck and Jones was shot in the shoulder and the ankle. They are both in the Wilgers Hospital.

One of the robbers was apparently also shot.

The attack took place less than a kilometre from where German pensioner Ute Maria Wiing, 70, was found murdered in her Libertas Street home at the luxury Silver Mists security estate three weeks ago.

Seven people, including a security guard, have been arrested in connection with Wiing’s murder.

Shocked tenants said yesterday the three had pleaded for their lives and for the gunmen to take whatever they wanted.

“They simply would not listen. They shot them at point-blank range. They thought nothing about killing them,” said a tenant, Riaan Talma.

Talma, who was at a friend’s house nearby at the time of the attack, said a struggle had broken out.

“I cannot understand it. I don’t know why they would do this. From what I have heard, the three were pleading and begging with their attackers not to kill them.

“They offered them everything in the house, but they would not listen. They just shot them and then took what they wanted,” he said.

Talma said it appeared as though the robbers had escaped with two cellphones and some household electrical appliances.

Police spokesperson Warrant Officer Ben Strydom confirmed the attack and said the gunmen had escaped with a TV, computers, cellphones and a hi-fi system.

He said it was not known why the gunmen had opened fire on their victims, who, he said, were having a braai at the time.

“Police on the scene established that one of the gunmen was wounded after they found a blood trail which led into an open field opposite the house.

“Unfortunately, police were unable to find the suspects and they escaped,” he said.

Strydom said the gunmen had forced their way on to the property after they cut a hole in the perimeter fence.

Wilgers Hospital spokesperson Ineke Jonker said both Jones and Terblanche were in a stable condition.

“Jones underwent surgery on Saturday night to remove the bullet from her leg, while Terblanche is recovering in the high care unit.

Anyone with information on the identity or whereabouts of the killers can phone Captain Samuel Rikhotso of the Mamelodi Trio Task Team at 082 465 7354.

This article was originally published on page 4 of Pretoria News on June 14, 2010

Source:IOL



Rowers val gesin in ‘teikenhuis’ 2 keer in 6 weke aan
June 18, 2010, 11:27 am
Filed under: Uncategorized


Mnr. Gert van Tonder, wat twee keer in ses weke tuis beroof is. Foto: Alet Pretorius

2010-06-11 22:56
Hilda Fourie

Binne ses weke het hy een keer ’n rower op sy vrou gekry en die volgende keer is hy in die gewrig en maag geskiet.

’n Week later het mnr. Gert van Tonder uit sy huurhuis in Rietvalleipark, in die ooste van Pretoria, getrek nadat hy by sy bure en die polisie gehoor het dié huis in Escombelaan is ’n gereelde teiken van misdadigers.

Van Tonder (36), ’n bedryfsbestuurder van ’n veiligheidsmaatskappy, het in Januarie ingetrek.

“Ek voel die verhuringsmaatskappy moes aan my bekend gemaak het wat die misdaadsituasie in die omgewing is,” het Van Tonder gister by sy nuwe huis in Moreletapark gesê.

“As hulle vir my gesê het, het ek nooit daar ingetrek nie.

“Ek dink ’n lewe is meer werd as ’n bietjie sake.”

Twee weke gelede was Van Tonder en sy vrou, Lizette (37), besig om te braai toe vyf mans, van wie een gewapen was, op hulle afstorm.

“My vrou het hulle eerste gesien en begin skree,” het Van Tonder gesê.

“Ek het die wapen uit die een se hand gegryp. Dis toe dat hy my in die gewrig skiet. Ons het verder om die wapen gestoei waarna die tweede skoot geklap het. Ek is in die maag getref. Toe die tweede skoot klap, het hulle weggehardloop. Hulle het niks gevat nie.”

Ses weke voor dié voorval het Van Tonder wakker geword van sy vrou wat skree dat daar ’n misdadiger op haar klim.

Dié misdadiger se makker het langs Van Tonder gestaan.

Van Tonder het die man wat bo-op sy vrou was, geslaan, waarna hy en sy makker met ’n skootrekenaar en selfone gevlug het.

“Ek moes trek, want ek gaan nie daar bly dat mense my beroof nie. Ek kan nie my gesin in sulke gevaar stel nie,” het Van Tonder gesê.

“’n Mens moet ondersoek instel die misdaad in die omgewing voordat jy ’n huis koop of huur. Ek weet misdaad kom oral voor, maar ek voel tog die verhuringsmaatskappy moet ’n mens daaroor inlig.

“As daar weer mense in daardie huis intrek, sal ek hulle self van die misdaad gaan vertel.

“Netnou dra hulle ’n lyk by daardie huis uit.”

Oorsprong:Beeld



Geskiet toe pa stop om iets te koop
June 18, 2010, 11:18 am
Filed under: Uncategorized


Me. Madeleine Kleinhaus vertel hoe sy eergisteroggend geskiet is.Foto: Craig Nieuwenhuizen

2010-06-10 23:48
Hilda Fourie

’n Gholfafrigter van Centurion is eergisteraand op ’n kort afstand deur ’n bakkievenster geskiet kort voordat twee mans haar pa van duisende rande beroof het.

Dié voorval het net ’n paar honderd meter van die Leriba Lodge, waar die Italiaanse sokkerspan tuisgaan, gebeur.

Me. Madeleine Kleinhaus (21), wat in die arm en been getref is, is gister uit die Unitas-hospitaal in Centurion ontslaan.

Haar pa, mnr. Stefan Kleinhaus, het gesê hy gaan sy dogter “uit dié Sodom en Gomorra” vat en saam met hom terug Pongola toe neem.

“Daar by ons is dit (’n skietery tydens ’n rooftog) ongehoord. Hier skiet hulle die mense soos vlieë dood,” het mnr. Kleinhaus gesê.

Hy en sy vrou, Santa, het Maandagaand in Centurion aangekom om onderdele te kom koop. Hulle het eergisteroggend omstreeks 11:00 saam met hul dogter by die Eerste Nasionale Bank in Centurion gaan geld trek. Op pad terug na haar huis in Lyttelton het hulle naby die laagwaterbrug digby die Leriba Lodge langs die pad stilgehou by ’n man wat tafels verkoop.

Mnr. Kleinhaus het uit sy voertuig geklim, terwyl Madeleine en haar ma bly sit het.

“Twee mans het van voor af na die bakkie aangestap gekom,” het Madeleine gesê. Haar pa het aan die agterkant van die bakkie gestaan.

“Toe ek hulle sien, het ek aan my ma gesê hier is nou moeilikheid.” Madeleine en haar ma het die bakkie se deure gesluit. Een van die mans het aan die bestuurderskant se deur geruk. Mnr. Kleinhaus het dit gesien en nader geloop. Terwyl een van die mans ’n vuurwapen op hom gerig het, het die ander een na Madeleine se kant geloop.

“Toe ek die vuurwapen (wat die man op haar gerig het) sien, het ek afgebuk. Ek het weer opgekom. Dis toe wat hy my deur die venster skiet.

“Hulle het na my ma toe gegaan en gevra: ‘Where is the bag, where is the bag?’ Hulle het presies geweet wat hulle kom haal het. Ek het gevoel hoe ek warm word en toe vir my pa-hulle gesê ek is geskiet en dat hulle my moet help, want ek gaan doodgaan.”

Mnr. Kleinhaus het ’n verbygaande motoris voorgekeer wat Madeleine en mev. Kleinhaus na die Unitas-hospitaal geneem het.

“Ons het niks verkeerds gedoen nie. Ons het openlik gery en langs die pad stilgehou om iets te koop, toe word ek geskiet,” het Madeleine gesê.

“Ná die voorval het ek net agtergekom ’n mens se lewe is nie in jou eie hande nie.”

Me. Aveline Hardaker, polisiewoordvoerder, het die voorval bevestig.

Oorsprong:Beeld