Farm Murders


Honderde daag op by boer se roudiens
May 23, 2010, 12:32 pm
Filed under: Uncategorized


Dr. Frikkie Labuschagne, wat mnr. Johan Strydom, die vermoorde boer van Parys, se begrafnisdiens behartig het, vee die trane weg terwyl mev. Susan Lombard afskeid neem van haar enigste broer. Mev. Lombard word deur haar man, James, ondersteun.

2010-05-21 22:14
Nicolize van der Walt

Parys. – Honderde mense het gistermiddag opgedaag vir die begrafnis van die boer van dié omgewing wat verlede Saterdag by sy plaashek in die Buffelshoek-omgewing hier doodgeslaan en daarna met sy eie bakkie aan ’n tou gesleep is.

Mnr. Johan Strydom (40), wat skaars ses weke ná sy 40ste verjaardag grusaam vermoor is, is gister uit die Nederduits Hervormde kerk op dié dorp begrawe.

Soveel mense het vir die roudiens opgedaag dat nóg stoele die kerk ingedra moes word.

Kort voor 14:00 gister het vriende en familie wat steeds nie ’n sitplek kon kry nie by die kerk se deure en in die voorportaal na dr. Frikkie Labuschagne, leraar, se begrafnisrede geluister.

“Ek weet nie waar om te begin nie. Hoe praat ’n mens oor seer, rou, spanning, verlies, verlange, aggressie? Hoe pen ’n mens dit neer? Hoe formuleer ons sin en konteks uit Johan se skielike, grusame dood? Sy dood herinner ons dat die lewe kortstondig en tydig is,’’ het Labuschagne, wat ook ’n vriend van Strydom was, gesê.

Rou snikke het by tye in die kerk opgeklink en Labuschagne moes self soms teen die trane veg. Hy het na Strydom as “?’n vriend van die gemeenskap” verwys.

“Johan het ons geleer om die lewe te vier. Hy het met unieke en tasbare liefde geleef. Dit lyk nou of die dood die lewe oorwin, maar dis nie waar nie. Die dood is die begin van die heiligste ontmoeting met Jesus Christus,’’ het Labuschagne gesê.

Strydom is deur sy twee swaers, twee susterskinders en twee vriende na sy graf gedra.

Sy kis was met onder meer heldergeel sonneblomme en sterlitzias versier.

Sy twee susters, mevv. Sarie Brits en Susan Lombard het hard-op gesnik terwyl hul enigste broer se kis afgesak het.

Begrafnisgangers het huilend, in lang toue, hul beurt afgewag om roosblare op sy kis te strooi.

Familie en vriende het daarna die graf toegegooi.

Oorsprong:Beeld


Leave a Comment so far
Leave a comment



Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s



%d bloggers like this: