Farm Murders


Nasionalisering van grond: ‘Ontkenning onder verdenking’
March 18, 2010, 2:02 am
Filed under: Uncategorized

2010-03-16 23:30

Sarel van der Walt

Dit verbaas hom dat nóg pres. Jacob Zuma nóg enige van sy ministers standpunt ingeneem het oor die moontlike nasionalisering van produktiewe landbougrond, het mnr. Ben Marais, president van die landbou-organisasie TLU SA, gister gesê.

Volgens Marais het TLU SA kennis geneem van mnr. Thozi Gwanya, direkteur-generaal van landelike ontwikkeling en grondhervorming, se versekering eergister aan ’n afvaardiging van Agri SA dat geen nasionalisering beplan word nie.

“Maar hy (Gwanya) is slegs ’n amptenaar wat beleid uitvoer, en ons sal graag van die beleidmakers ’n standpunt hieroor wou hoor.

“Bowendien was dit juis die direkteur-generaal wat die nuwe konsep aan die (parlementêre) portefeuljekomitee verduidelik het, en dit bring sy skielike ontkenning van die moontlike nasionalisering onder verdenking.”

Marais het voorts gesê só ’n nasionaliseringsprogram sal neerkom op ’n “meer beskaafde Zimbabwe-model”.

“Waar praatjies van ‘skiet die Boere, want hulle is verkragters’ beslis ’n invloed het op plaasaanvalle, sal die nasionalisering van landbougrond, ongeag of alle landbougrond of net 10% van die landbougrond genasionaliseer word, die persepsie skep by dieselfde ongebreidelde massa dat die grond ‘aan ons behoort’, en dit sal lei tot brute plaasbesettings op die Zimbabwe-wyse,” het Marais gesê.

Dr. Pieter Mulder, adjunk-minister van landbou en VF+- leier, het gisteraand aan die Malmesbury-landbouvereniging gesê as ’n voorstel vir die nasionalisering van produktiewe landbougrond regeringsbeleid sou word, “sal dit teen die Grondwet wees, sal dit alle beleggers in Suid-Afrika permanent afskrik en sal dit groot onsekerheid op die platteland veroorsaak, wat weer voedselsekerheid sal vernietig”.

“Onsekerheid is die belangrikste rede waarom kommersiële plattelandse boere nie tans hul boerderye uitbrei of meer werkgeleenthede skep nie.”

Oorsprong:Beeld
http://www.beeld.com/Content/Suid-Afrika/Nuus/1928/fc8a4caab16842a8bf12e6dd083e8cc9/16-03-2010-11-30/Nasionalisering_van_grond__%E2%80%98Ontkenning_onder_verdenking%E2%80%99


Leave a Comment so far
Leave a comment



Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s



%d bloggers like this: