Farm Murders


Bejaarde vrou in Benoni vermoor, man beseer
March 7, 2010, 9:22 pm
Filed under: Uncategorized

Mnr. José Vieira voor die huis waar hy en mev. Jannecke op haar vermoorde ma en erg beseerde pa afgekom het.Foto: Bongiwe Gumede

2010-02-15 11:37

René-Jean van den Berg en Wolfram Zwecker

Die moordenaars van ’n bejaarde vrou van Northmead, Benoni, was teen gister nog op vrye voete.

Mev. Alice Botha (75) is in die gang van haar huis dood weens ’n hou teen die kop.

Haar man, Jack, (ook 75) word in die hoësorgeenheid van die Unie-hospitaal in Alberton behandel waar sy toestand gister nog as bedenklik bestempel is.

’n Onbekende aantal mense het die egpaar Vrydagnag in hul huis in Negende Laan oorval, het konst. Ron Nchali, polisiewoordvoerder, gesê.

Die egpaar se dogter, mev. Antoinette Jannecke, het op hulle afgekom toe sy en haar vriend, mnr. José Vieira, van ’n fliek by die huis gekom het.

Vieira het gesê toe hulle omstreeks 23:00 by die huis kom, was die garagedeur oop en was daar bloed op die deur se handvatsel.

“Dit was alles vreemd. Antoinette is eerste by die huis in en het haar pa op die vloer in die kombuis gekry.”

’n Vreemde man het uit een van die vertrekke kombuis toe gekom om by die huis uit te gaan, het Vieira gesê.

“Hy het ’n baie welkome houding gehad, asof hy die volste reg het om in die huis te wees.”

’n Struweling het buite die huis tussen Vieira en die vreemdeling ontstaan, maar die vreemdeling het hom glo nie teëgesit nie.

“Antoinette het intussen histeries begin gil en ek het besef sy is alleen in die huis. Ek het toe net ingehol en hy het weggekom.”

In die gang na die slaapkamer het mev. Botha se lyk gelê.

Konst. Godin Nyathi, polisiewoordvoerder, het gesê dit is nog nie bekend wat alles gesteel is nie, maar ’n plastieksak met selfone en juwele is in die tuin opgetel.

Oorsprong:Beeld
http://www.beeld.com/Content/Suid-Afrika/Nuus/1928/cf20554f4e1a4c6888c4c6d53e1acb52/15-02-2010-11-37/Bejaarde_vrou_in_Benoni_vermoor,_man_beseer


Leave a Comment so far
Leave a comment



Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s



%d bloggers like this: