Farm Murders


Inbreker trek sneller 3 keer, maar g’n skoot klap
January 17, 2010, 12:08 am
Filed under: Uncategorized

2010-01-15 07:42

Vicus Bürger

Petrus Steyn. – Een keer, twee keer, drie keer is die sneller getrek, maar nie ’n enkele skoot is geskiet nie.

Mnr. Jan van der Westhuizen (59), ’n melkboer in die distrik, het gister gesê hy dank God dat nie een van die skote afgegaan het toe ’n inbreker hom wou doodskiet nie.

Van der Westhuizen bly saam met sy seun, GF, op die Houtnek-hoewe.

Hy het gisteroggend gesê hy en sy seun het die huis voor 06:00 verlaat. Van der Westhuizen het sy werkers opgelaai en is na die melkstalle, terwyl sy seun vertrek het na die plaas waar hy werk.

Van der Westhuizen het gesê hy is later terug na die huis.

Hy het dadelik onraad vermoed toe ligte in die huis aangeskakel was. Hy was op pad na die kombuis toe hy die inbreker by sy dogter se kamerdeur sien staan het.

Die booswig het Van der Westhuizen se .38-rewolwer gehad.

“Wat soek jy in my huis?” wou Van der Westhuizen weet. Die inbreker het geld gesoek.

Van der Westhuizen het sowat R150 op die grond neergegooi.

Die inbreker het die sneller die eerste keer getrek. Die boer het gesê hy kan nie die gevoel beskryf wat toe oor hom gekom het nie. “In daai stadium (toe die skoot nie afgaan nie) het ek besef God is aan my kant.”

Die inbreker het Van der Westhuizen eers beveel om op die grond te lê en toe om sy dogter se kamer binne te gaan.

Hy het na ’n ander kamer gehardloop. Die inbreker moes volgens hom toe nog twee keer die sneller getrek het, maar weer eens het geen skoot afgegaan nie.

Volgens hom het die inbreker die R150 en sy seun se selfoon gesteel, maar die rewolwer buite die huis agtergelaat.

Die inbreker het ’n staaldeur oopgedwing en só by die huis ingekom.

Oorsprong:Beeld
http://www.beeld.com/Content/Suid-Afrika/Nuus/1928/af493b63810d45e3a00687860c0f09d6/15-01-2010-07-42/Inbreker_trek_sneller_3_keer,_maar_gn_skoot_klap_


Leave a Comment so far
Leave a comment



Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s



%d bloggers like this: