Farm Murders


Slagoffers van sulke barbare voel anders oor misdaad as ander
December 12, 2009, 8:04 am
Filed under: Uncategorized

deur Lynette

2009-12-10 23:10

Ek stem heelhartig saam met komm. Bheki Cele se uitsprake oor misdadigers en menseregte. As Chris du Plessis (Briewe, 9 Desember) se vrou of dogter deur een van hierdie “diere” verkrag of vermoor word, sal hy beslis ook ’n ander deuntjie sing.

Die afgelope naweek is ’n familielid van my deur twee mans verkrag.

’n Pragtige, onskuldige meisie in die fleur van haar lewe. Haar vriend moes eers alles met ’n mes teen sy keel aanskou en is toe in die kattebak toegesluit waarna die meisie met hierdie barbare by haar moes rondry en hulle gaan aflaai. Wat hulle gedoen en gesê het, is te afskuwelik om hier te herhaal. Geen mens kan haar angs en seer beskryf nie.

Watter regdenkende, beskaafde, Godvresende mens sal so iets doen? Hierdie barbare verdien niks meer as om vir die res van hul lewens te boet nie.

Selfs die doodstraf is te genadig.

Hulle hoort in gate onder die grond en moenie eens vir suurstof opkom boontoe nie.

Ons as naaste familielede van slagoffers wat in hierdie wrede, onmenslike en hartelose misdadigers se hande geval het, kan nie die ongelooflike seer beskryf nie.

Selfs trane maak dit nie beter nie.

Ons kan ons net na God wend wat self verklaar het in Jesaja: “Ek is die Here, Ek het die reg lief” en bid dat hierdie “barbaarse diere” waarna Cele tereg verwys, opgesluit sal word vir die res van hul nuttelose lewens.

Ja, ons is verbitterd, want deur die misdaad en geweld in hierdie land moet ons ook ons geliefdes groet wat na veiliger en meer beskaafde lande verhuis.

Ons word selfs ontwapen deur die regering. Hierdie misdadigers loop met die gevaarlikste onwettige wapens rond en ons kan onsself nie eens verdedig nie.

Oorsprong:Beeld
http://www.beeld.com/Content/MyBeeld/Briewe/1976/e628cbb7761c41c0a3825a5c1b84c945/10-12-2009-11-10/Slagoffers_van_sulke_barbare_voel_anders_oor_misdaad_as_ander


Leave a Comment so far
Leave a comment



Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s



%d bloggers like this: