Farm Murders


Vroue in vrees ná aanval
December 5, 2009, 9:52 pm
Filed under: Uncategorized


Me. Wilma Coetzer (23) wys haar beserings.

2009-11-29 23:35

Arisja Jacobs

Secunda. – ’n Erg beseerde vrou van Standerton, haar ma en ’n vriendin se 12-jarige dogter vrees vir hul lewe nadat die polisie die vrou se vermeende aanvallers na haar woonstel en ook later na haar ma se huis geneem het vir ’n “uitkenning”.

Me. Wilma Coetzer (23) het gister vertel hoe sy en die 12-jarige, wie se naam weerhou word, Vrydag omstreeks 18:00 van Shoprite met hul inkopies huis toe gestap het toe twee mans hulle by die NG kerk in Cullinanstraat aangeval het.

“Ek het ’n pluk aan my handsak gevoel en toe tref iets hards my in die gesig. Ek het net vir die meisie geskree om te vlug,” het Coetzer gesê. Een van die mans het die meisie agternagesit, maar omgedraai toe sy by Kasselman-sekuriteit en Zelatech, waar Coetzer in die kantoor werk, ingehardloop het.

Kasselman se veiligheidswagte het ’n vegtende Coetzer te hulp gesnel waar die verdagtes haar na ’n donker gebied by die kerk probeer sleep het.

Sy het veral kopbeserings opgedoen. “Hulle het aanhoudend my kop geslaan. Ek kan nie alles onthou wat gebeur het nie, maar ek het besef dat hulle my maklik sou kon verkrag en doodmaak as hulle my in daai donker deel gekry het, want niemand sou ons van die pad kon sien nie. Daarom het ek so hard terugbaklei.”

Beeld het verneem die veiligheidswagte het die verdagtes aangekeer en aan die polisie oorhandig.

“Ek is na die dokter geneem en die polisie het gesê ek moet eers die volgende dag ’n verklaring aflê,” het Coetzer vertel.

Twee polisielede, vermoedelik reserviste, het haar egter by haar woonstel ingewag – met een van die verdagtes. Hulle wou hê sy moet die man uitken. Die 12-jarige meisie, wat so getraumatiseer is dat sy eers die volgende dag haar ma van die aanval vertel het, het hier die verdagte van aangesig tot aangesig gesien.

“Tannie, ek is bang, want nou weet hy ook waar ek bly,” het die meisie glo aan Coetzer se ma, mev. Ria Coetzer, gesê.

Coetzer sr. het Vrydagaand by haar dogter se woonstel opgedaag toe die polisie en verdagte daar was. “Ek het Wilma na my huis geneem en haar pynstillers en ’n slaappilletjie ingegee.”

Coetzer jr. se selfoon het omstreeks 22:45 gelui. “Iemand het haar na buite geroep. Toe ek my voordeur oopmaak, het dieselfde twee polisiemanne van vroeër op my stoep gestaan.”

Hulle wou Coetzer jr. glo in hul voertuig na die polisiekantoor neem vir ’n verklaring, maar wou nie hul name aan haar bekend maak nie.

“Hulle het gesê albei die aanvallers was in daardie stadium in die vangwa voor my huis. Toe ek die polisiemanne daaroor konfronteer, het die een polisieman gesê: ‘Don’t worry, they do not want to harm you’.”

Coetzer sr. het haar dogter self na die polisiekantoor geneem om ’n verklaring af te lê.

’n Saaknommer is aan Coetzer jr. gegee en sy is aangesê om ’n speurder te kontak, maar dié se selfoonnommer was die hele naweek onbeantwoord.

Coetzer jr. se vermeende aanvallers verskyn vandag in die plaaslike landdroshof.

Kapt. Joseph Hlatswayo, polisiewoordvoerder, het nog nie gister van die voorval geweet nie, maar het onderneem om dit vandag met die stasiebevelvoerder op te volg.

– Beeld

Oorsprong:Beeld
http://www.beeld.com/Content/Suid-Afrika/Nuus/1928/0423a7898d894a4395f71f096de2e2a7/29-11-2009-11-35/Vroue_in_vrees_n%C3%A1_aanval


Leave a Comment so far
Leave a comment



Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s



%d bloggers like this: