Farm Murders


Kapers skiet vrou 2 keer op hoofweg
December 5, 2009, 9:44 pm
Filed under: Uncategorized

2009-12-04 07:26

Sanri van Wyk

’n Boervrou van Delmas in Mpumalanga is in die waaksaal van die Unitas-hospitaal in Pretoria nadat kapers haar gistermiddag twee keer in ’n mislukte kaping op die N12-hoofweg geskiet het.

Die polisie se lugvleuel moes mev. Leonora van Wyk per helikopter na dié hospitaal neem.

Mnr. Vossie Vos, operasionele bestuurder van Celtrac, ’n voertuigopsporingsmaatskappy, sê mev. Van Wyk se seun, Bertie, het hulle gister om 15:20 uit Bloemfontein gebel en gesê sy ma is geskiet.

Vos sê Van Wyk was in die gesin se Toyota Hilux-bakkie van Daveyton aan die Oos-Rand op pad terug na die gesin se hoenderplaas in Delmas.

Mnr. Francois van Wyk het gisteraand telefonies vanuit die hospitaal gesê sy vrou en ’n werker, Alphius, wie se van hy nie ken nie, het gister eiers in Daveyton gaan aflaai.

Teen druktyd het mev. Van Wyk pas uit die teater gekom en is sy in die waaksaal opgeneem.

Sy moes geopereer word sodat die wonde geheg kon word.

Vos sê drie gewapende mans het mev. Van Wyk en Alphius vermoedelik van Daveyton agtervolg.

Die skietery het langs die N12 plaasgevind in die omgewing van die Daveyton-oprit tot die hoofweg. Alphius is ongedeerd.
Vos sê inligting is in dié
stadium gebrekkig oor presies hoe die motor tot stilstand gebring is en hoekom die kapers begin skiet en gevlug het.

Hy vermoed daar was te veel ander motors in die omgewing wat die kapers laat skrik het.

Vos sê die een koeël is deur mev. Van Wyk se arm en die ander een is by haar long in.

Mnr. Van Wyk het gesê die koeël wat in sy vrou agtergebly het, moes eers in haar gelos word omdat dit tussen die hoofslagaar en haar rugmurg vassit.

“As dit deur haar slagaar was, het sy doodgebloei. As dit deur haar rugmurg was, was sy verlam. Nou is dit tussen-in.”

Kapt. Julia Claassen, polisiewoordvoerder, het gesê die polisie ondersoek poging tot moord en poging tot kaping.

Oorsprong:Beeld
http://www.beeld.com/Content/Suid-Afrika/Nuus/1928/e330259f207a465e8e8548b5b1ca33b4/04-12-2009-07-26/Kapers_skiet_vrou_2_keer_op_hoofweg


Leave a Comment so far
Leave a comment



Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s



%d bloggers like this: