Farm Murders


Vanaand gaan jy dood’
August 30, 2009, 12:19 am
Filed under: Uncategorized

Mev. Jessica Lotterie en haar man, Piet

Vanaand gaan jy dood’

2009-08-27 01:02

Hilda Fourie

Rowers het van die oomblik toe hulle ’n Pretoriase man oorval het aan hom gesê: “Vanaand gaan jy doodgaan.”

Hulle het hom geskop en geslaan totdat hy dood is.

“Die laaste keer wat hulle hom geskop het, was net om seker te maak hy is dood en te wys hulle het hul sin gekry,” het mev. Jessica Lotterie (23) gister oor mnr. Wilhelm Lotterie (65), haar skoonpa, se dood gesê.

Rowers het Maandagaand vermoedelik ’n veld oorkant die kleinhoewe in Doornfontein, noord van Pretoria, waar die Lotteries woon, aan die brand gesteek. Dit is skynbaar gedoen om onder meer mnr. Lotterie se seuns, Piet en Neels, uit die huis te lok.

Daarna het vyf rowers mnr. Lotterie sr. vermoedelik terwyl hy op die stoep van sy huis gesit en rook het, oorval.

Toe mev. Lotterie by die sitkamer inloop, het haar skoonpa reeds op ’n matras op die sitkamervloer gelê en was sy hande en voete agter sy rug vasgebind.

Sy het met haar vier dae oue babaseuntjie, Danté, in haar arms gestaan en toekyk hoe die rowers haar skoonpa skop en slaan.

Hy het vermoedelik versmoor omdat die rowers hom gedwing het om op die vloer te lê. Hy mag weens hartprobleme nie gelê het nie.

“Ek was geskok om my pa só te sien. Aan die een kant het ek hom probeer regop kry, want hy mag nie lê nie. Aan die ander kant wou ek net seker maak dat hulle niks aan my kind doen nie,” het mev. Lotterie gesê.

“Nadat ek die rowers gevra het of hy nie maar regop kan sit nie, het hulle hom gedwing om plat te lê.

“Hulle het vuurwapens gevra. My pa het elke keer gesê daar is nie vuurwapens in die huis nie. Dan het hulle hom net weer geskop en geslaan met wat ook al hulle in hul hande gehad het.

“Hulle het nooit opgehou om hom te skop en te slaan nie. Hulle wou hom doodmaak.”

Terwyl die rowers Lotterie aangerand het, het hulle die huis geplunder en tussendeur koekies geëet en melk gedrink.

Die rowers het die Lotterie-broers ingewag, oorval, vasgebind en onderskeidelik in die badkamer en die stort toegesluit.

Hulle het ook mev. Lotterie en Danté kamer toe geneem, waarna hulle hul buit in mnr. Piet Lotterie se blou Ford Fiesta (met registrasienommer WHF 052 GP) gelaai en gevlug het.

Mev. Lotterie het deur die kamervenster gesien die rowers ry en is eerste na haar skoonpa toe. Hy was reeds dood.

Terwyl mev. Lotterie en haar man, Piet, met Danté gaan hulp soek het, het mnr. Neels Lotterie sy pa se oë toegemaak.

Mnr. Lotterie sr. sal oormôre omstreeks 10:00 in Machadodorp begrawe word.

Oorsprong:Beeld
http://www.beeld.com/Content/Suid-Afrika/Nuus/1928/dcc124f55e094d5686242800e41cf3e0/27-08-2009%2001-08/Vanaand_gaan_jy_dood%E2%80%99


Leave a Comment so far
Leave a comment



Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s



%d bloggers like this: