Farm Murders


‘Gee pad van jou plaas; dis Mugabe se geskenk’
February 28, 2009, 2:23 am
Filed under: Uncategorized

Feb 27 2009 09:06:36:430PM – (SA)

Harare. – Talle wit Zimbabwiese boere is gister na howe geneem waar magistrate aan hulle gesê het om hul plase onmiddellik te verlaat.

Volgens ingeligte bronne in Zanu-PF-geledere gaan van dié plase vandag aan pres. Robert Mugabe as ’n verjaardaggeskenk gegee word.

Mugabe, wat verlede week 85 jaar oud geword het, se amptelike verjaardagviering is vandag in Chinhoyi.

Meer as 300 beeste en 12 buffels wat op “wit” plase bymekaar gemaak is, is daarvoor geslag.

“Verskeie boere is tans, terwyl ons praat, voor die hof,” het mnr. Deon Theron, visepresident van die kommersiële landbou-unie, gistermiddag gesê.

“Onder hulle is van die 77 boere wat hul saak om hul plase te behou voor die Suider-Afrikaanse Ontwikkelingsgemeenskap (SAOG) se tribunaal oor grondsake verlede jaar in Windhoek gewen het.”

Een boer, mnr. Peter Ethridge, het eergisternag skote oor die koppe van voornemende plaas-besetters geskiet. Hulle het hom by die polisie gaan verkla en Ethridge is in hegtenis geneem, het Theron gesê.

Nog ’n boer, mnr. John Borland, wat tans in Suid-Afrika weens kanker behandel word, het inhegtenisneming vrygespring. Die polisie het egter sy plaasvoorman en huiswerker aangekeer.

Hulle word aangehou omdat hulle nie aan opdragte gehoor gegee het om die plaas te verlaat nie.

Die inhegtenisnemings volg op ’n werkseminaar vir magistrate die afgelope week naby Harare.

Hulle is opdrag gegee om die SAOG-uitspraak te verontagsaam “omdat dit nie deel van Zimbabwe se wette is nie”.

Oorsprong:Beeld
http://jv.news24.com/Beeld/Wereld/0,,3-71_2477496,00.html


Leave a Comment so far
Leave a comment



Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s



%d bloggers like this: