Farm Murders


Bring die VN in, vra inwoners
November 27, 2008, 10:25 am
Filed under: Uncategorized

Nov 26 2008 11:24:55:600PM – (SA)

Daniel Maluleke

Die Verenigde Nasies (VN) en die nasionale intelligensieagentskap (NIA) moet by die ondersoek na die misdaadvlaag in Kameeldrift en Cullinan betrek word, eis inwoners.

Hul tweede petisie binne drie weke is eergister aan die polisie oorhandig.

Die VN moet betrek word omdat die inwoners se ervaring met volksmoord vergelyk kan word, meen van die inwoners.

Dir. Mac McLachlan, die polisie se Gautengse hoof van misdaadvoorkoming, het hulle ten tyde van die oorhandiging toegespreek, maar die inwoners was steeds ontevrede.

“Ons het verwag ons sou terugvoering kry oor die petisie waarin ons ons pleidooie gelug het, maar tot almal se verbasing het McLachlan net beklemtoon dat die gemeenskap ook betrokke moet raak om misdaad in die gebied te bekamp,” het mnr. Nantes Kelder, hoof van gemeenskapsveiligheid van die burgerregte-organisasie AfriForum, gesê.

Toe die kommando’s ’n paar jaar gelede ontbind is, is ondernemings vir alternatiewe planne gegee, maar niks het daarvan gekom nie, het hy gesê.

Die inwoners meen die polisie doen nie genoeg om misdaad in die gebied te bestry nie en hul pleidooie val altyd op dowe ore. Ondanks hul optogte vroeër vandeesmaand meen hulle misdaad vier steeds hoogty daar.

Hulle eis onder meer dat die polisie in die gebiede ontplooi word en dat al die sake wat hulle by die polisie aangemeld het, deeglik ondersoek word.

Hulle meen NIA se betrokkenheid kan dalk ’n verskil maak.

Me. Lorna Daniels, NIA-woordvoerder, wou nie kommentaar lewer nie.

Oorsprong:Beeld
http://www.news24.com/Beeld/Suid-Afrika/0,,3-975_2433246,00.html


Leave a Comment so far
Leave a comment



Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s



%d bloggers like this: