Farm Murders


‘Dit was vannag oorlog hier’
November 22, 2008, 6:44 am
Filed under: Uncategorized

Mnr. Job Legemar (48) gister saam met sy jongste dogter, Cariene (9), en sy jongste seun, Dieter (13), voor hul huis in Vaalbank, wes van Bronkhorstspruit. Foto: Theana Calitz

Nov 21 2008 09:29:30:227PM – (SA)

Fanie van Rooyen

‘Dit was vannag oorlog hier. Ons is bly ons almal leef nog.”

So het mev. Ineke Legemar (47) gisteroggend gesê nadat ’n onbekende aantal aanvallers omstreeks 02:00 gisteroggend haar gesin se plaashuis in Vaalbank, wes van Bronkhorstspruit, omsingel en met meer as 30 skote gepeper het.

Dit is die tweede soortgelyke skietvoorval in twee dae in Vaalbank.

Mev. Legemar, haar man, Job (48), en hul vyf kinders, Cor (21), Willemien (20), Petra (16), Dieter (13) en Cariene (9), het wonderbaarlik ongedeerd uit dié skietvoorval gekom.

Die gesin se plaashuis is sowat 3 km van die huis in Vaalbank waar dr. Duncan Prinsloo (61) eergisteroggend deur twee rowers in die rug geskiet en sy vrou, Laetitia (54), doodgeskiet is.

Mev. Legemar het gesê nege van hul huis se vensters is óf stukkend geskiet óf stukkend geslaan en van die koeëls het twee rekenaarskerms en meubelstukke in die huis getref.

“Ek het twee skote in hul rigting afgevuur, wat hulle op vlug laat slaan het, maar ek glo nie ek het een van hulle getref nie,” het sy gesê.

“Ná die tyd was die hele wêreld vol glasstukke en patroondoppies.”

Mnr. Legemar het gesê sy gesin was reeds wakker omdat hul honde die hele aand onophoudelik geblaf het.

“Ons het geweet daar is iets fout en het onsself maar reggemaak,” het mnr. Legemar vertel.

“Toe die eerste drie skote klap, het ek Rayton se gebiedsbeskermingsaksie (GBA) en die polisie gebel.

“Met daai eerste skote het hulle twee van ons honde doodgeskiet. ’n Derde hond het hulle toe reeds vergiftig.

“Daarna was dit vir ’n kort rukkie stil voordat hulle genadeloos op die huis begin losbrand het.

“My vrou het die kinders beveel om onder die beddens weg te kruip en ek, my oudste seun en my vrou het in verskillende kamers stelling ingeneem – ek en my seun met ons pistole en my vrou met ’n rewolwer.

“Die rowers was in daai stadium aan die kant van die huis waar my vrou stelling ingeneem het en sy het twee skote afgevuur.

“Ons kon hulle nie sien nie en hulle kon ons nie sien nie, want al die gordyne was toe.

“Hulle het net eenvoudig lukraak by die vensters ingeskiet.

“Kort nadat my vrou teruggeskiet het, het hulle op die vlug geslaan.”

Die rowers het volgens mnr. Legemar ’n gat onderdeur die elektriese heining, wat om die hele huis span, gegrawe.

“Twee van my motors het buite gestaan en was nie gesluit nie. Die rowers het geen poging aangewend om die motors of enigiets te steel nie.

“Dit voel vir my uit en uit soos ’n moordtog.

Mnr. Johannes Jaftha, polisiewoordvoerder, het gesê die polisie het eergisteraand ’n belangrike vergadering gehou met lede van die buurtwagte en gebiedsbeskermingsaksies (GBA’s) van Rayton, Cullinan en Bronkhorstspruit om beter te kan saamwerk om die skynbare vlaag van geweldmisdaad in dié gebied hok te slaan.

Oorsprong:Beeld
http://www.news24.com/Beeld/Suid-Afrika/0,,3-975_2430766,00.html


Leave a Comment so far
Leave a comment



Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s



%d bloggers like this: